प्रतिनिधि सभाको हिउँदे अधिवेशनमा लगातार १० वा सोभन्दा बढी बैठकमा अनुपस्थित हुने सांसदको संख्या १४ रहेको छ।

शुक्रबारको प्रतिनिधि सभा बैठकमा सभामुख डोलप्रसाद अर्यालले हिउँदे अधिवेशनमा लगातार १० वा सोभन्दा बढी बैठकमा अनुपस्थित रहेका १४ सांसदको विवरण सभासमक्ष प्रस्तुत गरेका हुन्।

विभिन्न कारण देखाउँदै लामो समय बैठकमा उपस्थित नभएका ती सांसदको अनुपस्थितिलाई संसदले स्वीकृति दिएको छ। उनीहरू अस्पताल भर्ना, स्वास्थ्य उपचार, जिल्ला भ्रमण, अन्तर्राष्ट्रिय कार्यक्रम, विदेश यात्रा, परीक्षा, घरायसी कामलगायतका कारण बैठकमा अनुपस्थित भएका थिए।

पुष्पकमल दाहाल २०८३/०१/३१ देखि २०८३/०३/१३ सम्म २४ बैठकमा अनुपस्थित भएका थिए। उनको अनुपस्थितिको कारण अस्पताल भर्ना भएको बताइएको छ। त्यस्तै, ज्ञानेन्द्र सिंह महता २०८३/०२/२५ देखि २०८३/०३/१० सम्म १० बैठकमा अनुपस्थित भएका थिए। उनको कारण जिल्ला भ्रमण रहेको बताइएको छ।

एलिजा गुरुङ २०८३/०२/२६ देखि २०८३/०३/१५ सम्म ११ बैठकमा अनुपस्थित भएकी थिइन्। उनको अनुपस्थितिको कारण स्वास्थ्य उपचार रहेको थियो। योगेश गौचन थकाली २०८३/०३/०५ देखि २०८३/०५/०३ सम्म २० बैठकमा अनुपस्थित भएका थिए। उनको कारण अन्तर्राष्ट्रिय कार्यक्रम रहेको बताइएको छ।

भूमिका लिम्बू सुब्बा २०८३/०६/०५ देखि २०८३/०६/१६ सम्म १२ बैठकमा अनुपस्थित भएकी थिइन्। उनको कारण छोरीको स्वास्थ्य उपचार रहेको थियो। इन्दिरा राना मगर २०८३/०६/०४ देखि २०८३/०६/१४ सम्म १० बैठकमा अनुपस्थित भएकी थिइन्। उनको कारण अन्तर्राष्ट्रिय कार्यक्रम रहेको बताइएको छ।

हरिना देवी कामी २०८३/०६/०१ देखि २०८३/०६/१६ सम्म १३ बैठकमा अनुपस्थित भएकी थिइन्। उनको कारण ससुराको काजकिरिया रहेको थियो। जनकराज गिरी २०८३/०५/२५ देखि २०८३/०६/१२ सम्म १२ बैठकमा अनुपस्थित भएका थिए। उनको कारण घरायसी काम रहेको बताइएको छ।

भरतबहादुर खड्का २०८३/०५/२९ देखि २०८३/०६/१५ सम्म १४ बैठकमा अनुपस्थित भएका थिए। उनको कारण जिल्ला भ्रमण रहेको थियो। सृष्टि भट्टराई २०८३/०६/०१ देखि २०८३/०६/१४ सम्म ११ बैठकमा अनुपस्थित भएकी थिइन्। उनको कारण परीक्षा रहेको बताइएको छ।

मोहम्मद इश्तियाक राई २०८३/०५/३० देखि २०८३/०६/१५ सम्म १४ बैठकमा अनुपस्थित भएका थिए। उनको कारण व्यक्तिगत रहेको थियो। विदुषी राणा २०८३/०५/३० देखि २०८३/०६/१६ सम्म १५ बैठकमा अनुपस्थित भएकी थिइन्। उनको कारण विदेश यात्रा रहेको बताइएको छ।

खड्ग शाही २०८३/०६/०५ देखि २०८३/०६/१५ सम्म ११ बैठकमा अनुपस्थित भएका थिए। उनको कारण जिल्ला भ्रमण रहेको थियो। प्रकाशसिंह कार्की २०८३/०६/०५ देखि २०८३/०६/१४ सम्म १० बैठकमा अनुपस्थित भएका थिए। उनको कारण जिल्लामा कार्यक्रम रहेको बताइएको छ।

सभामुख अर्यालले उल्लेखित अनुपस्थितिका सूचनालाई स्वीकृति जनाइदिन सभासमक्ष अनुरोध गरेका थिए। त्यसपछि सभाले ती अनुपस्थितिका सूचनालाई स्वीकृति दिएको घोषणा उनले गरे।