म्याक्स टाइगर इनर्जी ड्रिंकको ‘एनर्जाइज्ड दसैं धमाका २०२६’ अभियानअन्तर्गत तीन भाग्यशाली उपभोक्ताले आकर्षक पुरस्कार जितेका छन्। बनेपाका कुमार राज र धादिङको गल्छीका सञ्जोग रिमालले यामाहा एफजेड एफआई मोटरसाइकल जितेका छन् भने सुर्खेतका किशोर जंग शाहले यामाहा रे जेडआर स्कुटर जितेका छन्।
म्याक्स टाइगरको विशेष पुरस्कारयुक्त क्यान प्राप्त गरेका यी तीनै जना विजेताले दसैंको समयमा अप्रत्याशित रूपमा आकर्षक उपहार जित्ने अवसर पाएका हुन्। क्यान खोल्नेबित्तिकै पुरस्कार जित्न पाउँदा उनीहरूको चाडपर्वको खुसी थपिएको छ।
पुरस्कार जित्दाको अनुभव सुनाउँदै धादिङको गल्छीका विजेता सञ्जोग रिमालले भने, “क्यान खोल्दा यस्तो ठूलो सरप्राइज पाइएला भन्ने सोचेको थिइनँ। पुरस्कार जितेको थाहा पाउँदा एकछिन विश्वासै लागेन। यसपालिको दसैं म्याक्स टाइगरले साँच्चिकै विशेष बनाइदियो।”
म्याक्स टाइगरले ललितपुरको पुल्चोकस्थित द प्लाजामा आयोजित विशेष कार्यक्रममार्फत ‘एनर्जाइज्ड दसैं धमाका २०२६’ अभियान सार्वजनिक गरेको थियो। अभियानअन्तर्गत १८ जना भाग्यशाली उपभोक्ताले यामाहा एफजेड एफआई मोटरसाइकल, १८ जनाले यामाहा रे जेडआर स्कुटर र एक जनाले बम्पर पुरस्कारस्वरूप प्रोटोन कार जित्ने अवसर पाउनेछन्।
अभियानको सुरुवाती चरणमै तीन फरक स्थानका उपभोक्ता विजेता बनेपछि चाडपर्वको उत्साह थप बढेको कम्पनीले जनाएको छ। दसैंको अवसरमा उपभोक्तालाई पेय पदार्थसँगै खुसी, रोमाञ्च र अविस्मरणीय अनुभव प्रदान गर्ने उद्देश्यले ल्याइएको यस अभियानले आगामी दिनमा थप उपभोक्ताको दसैं विशेष बनाउने अपेक्षा गरिएको छ।
‘एनर्जाइज्ड दसैं धमाका २०२६’ अभियान अझै जारी रहेकाले पुरस्कार जित्ने अवसर बाँकी नै छ। म्याक्स टाइगरका प्रत्येक क्यानसँग जोडिएको सरप्राइजले उपभोक्तामा थप उत्सुकता जगाएको छ। यस दसैंमा म्याक्स टाइगरको क्यान खोल्दा स्वाद र ऊर्जासँगै अर्को पुरस्कार आफ्नै नाममा परेको छ कि भन्ने उत्सुकता पनि बढिरहेको छ।
प्रतिक्रिया