नेपाली कांग्रेसको १५औं महाधिवेशनको उद्घाटन सत्रमा सभापति गगन थापाले आफूमाथि प्रश्न उठाएपछि प्रधानमन्त्री बालेन शाहले सामाजिक सञ्जालमार्फत जवाफी व्यङ्ग्य प्रहार गरेका छन्।
कांग्रेसलाई ‘नयाँ पार्टी’ को भन्दै प्रधानमन्त्री शाहले आफूले सुधार गरेको खुलामञ्चमै उभिएर आफूलाई गाली गर्ने अवसर मिलेको भन्दै कटाक्ष गरेका हुन्।
आइतबार खुलामञ्चमा आयोजित महाधिवेशनको उद्घाटन समारोहलाई सम्बोधन गर्दै कांग्रेस सभापति गगन थापाले प्रधानमन्त्री संसद्मा उपस्थित नहुने गरेको भन्दै ‘संसद् खुला छैन, संसभित्र पनि खुलामञ्च चाहिएको छ’ भनी आलोचना गरेका थिए।
जवाफमा प्रधानमन्त्री शाहले सामाजिक सञ्जालमा लेखेका छन्, ‘धन्न खुला मञ्च राम्रो बनाइएछ, नयाँ पार्टीले कार्यक्रम गरेर गाली गर्न पाएका छन् !’
पार्टी रूपान्तरणको दाबी गर्दै नयाँ सोचसहित आएको कांग्रेस नेतृत्व र सभापति थापाको अभिव्यक्तिलाई लक्षित गर्दै प्रधानमन्त्री शाहले काठमाडौं महानगरको नेतृत्वमा रहँदा व्यवस्थित गरिएको खुलामञ्चको प्रसङ्ग जोडेर राजनीतिक जवाफ फर्काएका हुन्।
प्रतिक्रिया