(सुमन थापा)

काठमाडौं । नेकपा एमालेका अध्यक्ष केपी शर्मा ओली र वरिष्ठ नेता माधवकुमार नेपालबीचको वार्ता सकिएको छ ।

एमाले पार्टी भित्र देखिएको विवाद समाधान गरी अगाडी बढ्न बसिएको ‘वान टु वान’ वार्ता सकारात्मक भएको र वार्ता निरन्तर जारी रहने प्रधानमन्त्री आर्थिक सल्लाहकार मोतिलाल दुगडले जानकारी दिनुभयो ।

करीव डेढ घण्टा लामो वार्तामा पनि दुवैजना प्रफुल्ल मुद्रमा हुनुहुन्थ्यो दुगडले भन्नुभयो । दुई नेताबीच नागपोखरीस्थित होटल मेरियटमा आज झण्डै डेढ घण्टा वार्ता भएको थियो । वार्ता अबधिमै प्रधानमन्त्री के. पि. शर्मा ओलि र वरिष्ठ नेता माधवकुमार नेपालले सयुक्त रुपमा होटल मेरियटको टपबाट बन्दै गरेको धरहरा साथै काठमाडौ उपत्यकाको अबलोकन समेत गर्नुभएको थियो ।