नेपाली कांग्रेसको १५औं महाधिवेशनअन्तर्गत महामन्त्री पदको निर्वाचनमा प्रदीप पौडेल र अमरसिंह पुन मगरले अग्रता लिएका छन्।
आइतबार बिहान सार्वजनिक पछिल्लो मतपरिणामअनुसार पौडेलले ७८८ मत प्राप्त गरेका छन्। त्यस्तै, पुन मगरले ४७८ मत पाएका छन्।
उदयशमशेर राणा ४५६ मतसहित तेस्रो स्थानमा छन् भने सुनिलकुमार शर्मा ३२५ मत प्राप्त गर्दै चौथो स्थानमा छन्।
त्यस्तै, गुरुराज घिमिरेले १९७, नैन सिंह महरले १४८, शंकर तिवारीले २० र डा. सन्तोष उपाध्यायले १८ मत प्राप्त गरेका छन्।
महामन्त्रीको खुलातर्फ दुई पदका लागि भएको निर्वाचनको मतगणना भइरहेको छ।
प्रतिक्रिया