संयुक्त राष्ट्रसंघीय मानवअधिकार उच्चायुक्तको कार्यालयले भारतमा विरोध प्रदर्शनका क्रममा पक्राउ परेकाहरूलाई तत्काल र बिनासर्त रिहा गर्न आग्रह गरेको छ।
निर्वाचन निकायको कथित अनियमितताविरुद्ध शनिबार भारतको राजधानी नयाँ दिल्लीमा आयोजित विशाल प्रदर्शनका क्रममा भएको सामूहिक धरपकडप्रति राष्ट्रसंघले चिन्ता व्यक्त गरेको छ।
प्रदर्शनअघि र प्रदर्शनका क्रममा आन्दोलनकारी, नागरिक समाजका प्रतिनिधि, कानुन व्यवसायी तथा पत्रकारहरूलाई समेत ठूलो संख्यामा नियन्त्रणमा लिइएको भन्दै राष्ट्रसंघले ध्यानाकर्षण गराएको हो।
‘मनपरी ढंगले हिरासतमा राखिएका सबै व्यक्तिहरूलाई तत्काल र बिनासर्त रिहा गरिनुपर्छ,’ उच्चायुक्तको कार्यालयद्वारा जारी विज्ञप्तिमा भनिएको छ।
प्रतिक्रिया