काठमाडौँ २७ बैशाख, नेकपा एमालेका अध्यक्ष एवं प्रधानमन्त्री केपी शर्मा ओलीले नेता माधवकुमार नेपाल पक्षले दिएको ९ बजेसम्मको पार्टी बिभाजनको अल्टिमेटममा कुनै प्रतिक्रिया दिएका छैनन् ।

प्रधानमन्त्री ओलीले कुनै जवाफ नदिएपछि अब नेपाल पक्ष सामुहिक राजीनामाको बाटोमा जाने निश्चित भएको एमाले नेता झपट रावलले जानकारी दिएका छन । 

आजै प्रतिनिधि सभामा विश्वासको मत लिन लागेका प्रधानमन्त्री ओलीलाई विश्वासको मतका लागि पार्टी भित्र वातावरण बनाउन भन्दै नेपाल पक्षले सोमबार बिहान ९ बजेसम्मको ‘अल्टिमेटम’ दिएको थियो ।

त्यस्तै नेता नेपालले आइतबार राति ओलीलाई  ६ बुँदे पत्र लेख्दै पार्टी एकता बचाउन सर्वोच्चको फैसला अनुसार २०७५ जेठ २ को अवस्थाबाट क्रियाशिल बनाउनुपर्ने सर्त राखेका थिए ।

अहिले नेपाल पक्षका सांसदहरुको सिंहदरबारस्थित संसद सचिवालयमा बैठक जारी रहेको छ । बैैठकमा माधवकुुुमार पक्षका २१ जना सांसद सहभागी रहेका छ्न । बैैठक अघिनै नेता झपट रावलले एकताको प्रयासमा प्रधानमन्त्री ओलिले कुनै प्रतिक्रिया नदिदा अब दुखका साथ पार्टी बिभाजन तर्फ अगाडि बढेको बताउनु भएको छ ।