फिफा विश्वकप समूह चरणको रोमाञ्चक खेलमा आज राति स्पेन र साउदी अरेबिया आमनेसामने हुँदैछन्।
दुवै टोली समूह एचका हुन् र पहिलो खेलपछि समान अंकमा छन्, जसले गर्दा यी दुईबीचको खेल समूहमा अग्रस्थान बनाउने दृष्टिले निकै महत्वपूर्ण बनेको छ।
यसै समूह एचमा रहेका केप भर्डे र उरुग्वेबीचको खेलले पनि समूहको प्रतिस्पर्धा थप रोचक बनाएको छ। आफ्नो पहिलो खेलमा स्पेन अप्रत्यासित रुपमा केप भर्डेसँग गोलरहित बराबरीमा रोकिएको थियो। साउदी अरेबियाले उरुग्वे विरुद्ध १–१ को संघर्षपूर्ण नतिजा निकालेको थियो। यी नतिजाहरूले समूह एचलाई अत्यन्त प्रतिस्पर्धात्मक बनाएको छ, जहाँ प्रत्येक अंक निर्णायक सावित हुन सक्छ।
स्पेन यस प्रतियोगितामा बलियो दावेदार मानिन्छ। उनीहरूको पासिङ खेल, मिडफिल्ड नियन्त्रण र बल पोसेसन अत्यन्त मजबुत छ। रोड्री, पेद्री र फाबियन रुइज जस्ता खेलाडीहरूले खेलको गति नियन्त्रण गर्ने क्षमता राख्छन्। तर पहिलो खेलमा स्पेनले धेरै अवसर सिर्जना गरे पनि गोलमा परिणत गर्न नसक्दा आलोचना भएको छ। त्यसैले आजको खेलमा उनीहरू आक्रमणमा अझ धारिलो बन्नुपर्ने दबाबमा छन्।
अर्कोतर्फ साउदी अरेबियाले रक्षात्मक रणनीतिमा भर पर्छ। उनीहरू “लो ब्लक” डिफेन्स र काउन्टर अट्याकमा विश्वास गर्छन्। उरुग्वेविरुद्धको खेलमा पनि उनीहरूले अनुशासित प्रदर्शन गर्दै अंक खोसेका थिए। गोलरक्षक र रक्षापंक्तिको प्रदर्शन उनीहरूको मुख्य शक्ति हो।
यस खेलमा सबैभन्दा ठूलो आकर्षण स्पेनको आक्रमण र साउदी अरेबियाको संगठित डिफेन्स बीचको संघर्ष हुनेछ। समूह एचका अन्य खेलहरूको नतिजाले पनि आजको खेलको महत्व अझ बढाएको छ।
प्रतिक्रिया