स्वास्थ्य मन्त्री निशा मेहता र कोरियाली राजदूत पार्कबीच शिष्टाचार भेट, द्विपक्षीय सहकार्यका विविध विषयमा छलफल

काठमाडौं असार २ गते । माननीय स्वास्थ्य तथा खाद्य स्वच्छता मन्त्री निशा मेहताज्यू र नेपालका लागि गणतन्त्र कोरियाका राजदूत महामहिम H.E. Mr. Taeyoung Park बीच मन्त्रालयमा शिष्टाचार भेटघाट सम्पन्न भएको छ।

भेटघाटका क्रममा नेपाल र गणतन्त्र कोरियाबीचको मैत्रीपूर्ण सम्बन्ध तथा स्वास्थ्य क्षेत्रको द्विपक्षीय सहकार्यका विविध विषयमा छलफल भएको थियो। विशेष गरी स्वास्थ्य बिमा कार्यक्रम, स्वास्थ्य जनशक्तिको क्षमता विकास, स्वास्थ्य पूर्वाधार सुदृढीकरण, गुणस्तरीय स्वास्थ्य सेवा विस्तार, स्वास्थ्य पर्यटन प्रवर्द्धन तथा जडीबुटी एवं औषधि उत्पादनका क्षेत्रमा सहकार्यलाई थप प्रभावकारी बनाउने विषयमा विचार आदानप्रदान भएको थियो।

यस अवसरमा माननीय मन्त्रीज्यूले कोरियामा कार्यरत नेपाली कामदारहरूको स्वास्थ्य सुरक्षा र स्वास्थ्य सेवामा पहुँच सुनिश्चित गर्न विशेष ध्यान दिन आग्रह गर्नुभयो। जवाफमा महामहिमा राजदूतज्यूले नेपाल सरकारका प्राथमिकताका क्षेत्रमा गणतन्त्र कोरिया सरकार निरन्तर सहयोग गर्न प्रतिबद्ध रहेको बताउँदै आगामी दिनमा दुई देशबीचको सहकार्य अझ सुदृढ र परिणाममुखी बन्ने विश्वास व्यक्त गर्नुभयो।