कपिलवस्तुको शिवराज नगरपालिका–१ शिवपुर कोलनी चोकबाट बिलबिजक नभएको ७ हजार १५२ पिस रेडिमेड सर्ट बरामद गरिएको छ।
सोमबार बिहान साढे १० बजेतिर पूर्व–पश्चिम राजमार्गमा चेकजाँच गर्ने क्रममा काठमाडौंवाट दाङतर्फ जाँदै गरेको बा.प्र.०१–००७ ख ६४३० नम्बरको कन्टेनरबाट प्रहरीले उक्त सर्ट बरामद गरेको हो।
इलाका प्रहरी कार्यालय सुन्दरीडाँडाबाट खटिएको ७ जनाको प्रहरी टोलीले अनुमानित मूल्य ५२ लाख ५३ हजार १४४ रुपैयाँ बराबरको सर्ट बरामद गरेको जनाएको छ। यस्तै, कन्टेनरको अनुमानित मूल्य ३० लाख रुपैयाँ रहेको प्रहरीले जनाएको छ।
बरामद सामग्री र कन्टेनरलाई नियन्त्रणमा लिएर आवश्यक कानुनी कारबाहीका लागि इलाका प्रहरी कार्यालय सुन्दरीडाँडामा राखिएको छ। घटनाबारे थप अनुसन्धान भइरहेको प्रहरीले जनाएको छ।
प्रतिक्रिया