बुधबार बिहान बाढी आएको स्थानमा नदी थुनिएर बनेको ताल भरिएर पानी बग्न थालेको छ। त्यससँगै त्रिशूली नदीको तटीय क्षेत्रमा उच्च सतर्कता अपनाउन बाढी पूर्वानुमान महाशाखाले आग्रह गरेको छ।
महाशाखाले शुक्रबार दिउँसो १ बजेर ३ मिनेटमा सूचना जारी गर्दै परराष्ट्र मन्त्रालयबाट प्राप्त जानकारीअनुसार नदी थुनिएर बनेको ताल भरिएर पानी बग्न थालेको जनाएको हो।
महाशाखाले त्रिशूली नदीको तटीय क्षेत्र हुँदै मुग्लिनसम्मका बासिन्दालाई अर्को सूचना नआएसम्म उच्च सतर्कतासहित सुरक्षित स्थानमा रहन आग्रह गरेको छ।
प्रतिक्रिया