सुनसरीको देवानगन्ज गाउँपालिका वडा नं. ३ कप्तानगञ्जमा मंगलबार साँझ फेरि दुवै पक्ष झडपमा उत्रदा १५ भन्दा बढी घरमा आगजनी तथा तोडफोड गरेका छन्।
करिब अढाई घण्टासम्म दुई पक्षबिच भएको झडपमा एकअर्को पक्षले घरमा आगजनी र तोडफोड गरेका हुन्।
घटनास्थलमा रहेका इलाका प्रहरी कार्यालय इटहरीका डीएसपी सुवास हमालले अहिले दुवै पक्ष एक अर्काको घर आगजनी र तोडफोड गरेको बताए। उनका अनुसार अहिले स्थिति नियन्त्रणमा आएको छ। देवानगन्ज क्षेत्रमा सुरक्षा व्यवस्था कडा बनाइएको छ ।
झडपका क्रममा रड, भाला, खुँडा, तरबार लगायतका घरेलु हतियार प्रयोग भएको प्रहरीले जानकारी दिएको छ।
प्रतिक्रिया